Автор: Зигмунт Бауман
Издавачка куќа: Слово
Број на страни: 150
250,00 ден
Зигмунт Бауман – Странци пред нашата врата
Бауман е еден од најзначајните социолози и филозофи на дваесеттиот и дваесет и првиот век. Автор на голем број дела, дел од кои се објавени од Слово на македонски јазик. Во книгата Странци пред нашата врата станува збор за проблемите поврзани со феноменот на бегалтвото од насилство и војни, проблеми со кои сите ние се соочуваме секојдневно. Се разбира, книгава го третира тој проблем на аналитичко, спциолошко и антрополошко ниво. Проблемот на бегалството е фенеомен со кој човекот се соочува од најраните периоди. За луѓето зад затворените врати, бегалците, како и овие денес од Блискиот Исток или Авганизтан, се секогаш странци, странци кои генерираат страв и неудобност, покрај другото затоа што се непознати, затоа што се туѓинци. Денес ние сме соочени со екстремни форми на бегалство, кога тв и другите медиуми се полни со тнр. „мигранска криза“ која ја покрива Европа. Дебатата открива дека огромен број луѓе, евтропско население, е опфатено од страв, од зло, како што се вели, кое му се заканува на комотниот и мирен живот. Бауман ги анализира корените, причините и последиците од оваа „морална паника“. Тој покажува како политичарите го употребуваат стравот од доаѓањето на туѓинците, како тој страв се шири до големи размери, поврзан со оние кои најмногу изгубиле, бедните и напуштените.
Questions and Answers
You are not logged in
Поврзани производи
Избрани драми. 2
400,00 денАвтор: Горан Стефановски
Издавачка куќа: Полица
Број на страни: 388
Година на издавање: 2021
СТРАВ ОД ВАРВАРИ
250,00 денАвтор: Петар Андоновски
Издавачка куќа: Полица
Број на страни: 109
Година на издавање: 2019
Сања Михајловиќ-Костадиновска – Во кратки црти
150,00 денЗбирката е подредена во три кохерентни циклуси: „Средби и сеќавања“, „Метаматерија“ и „Замислени светови“. Расказите се запишани во трето и почесто во прво лице, од веродостоен наратор, кој сепак повремено како со сласт да ужива и во неверодостојност, користејќи ја за заводливо да го води читателот низ приказната. […] Речиси сите раскази се сместени во апстрактни временско-просторни координати, кои сепак се некаде во современоста и во урбани средини, а тоа остава впечаток на автобиографичност на расказите. Но, овој пристап (неретко исповедниот тон и одмерената лиричност, кои ни за миг не оддаваат нијанси на патос) може да се гледа како мала, незабележлива и успешно приредена замка, а онаа нежна, спонтана запрашаност помеѓу можноста на автобиографијата и извесноста на фикцијата е само уште една питка одлика на оваа збирка. […] Живко Грозданоски
Драго Јанчар – Џојсовиот ученик
250,00 ден„Џојсовиот ученик“ од Драго Јанчар е збирка раскази изградени околу ликови вовлечени во значајни историски настани. Насловниот расказ е инспириран од страшната и вистинска животна приказна за Борис Фурлан, млад човек што одел на часови по англиски јазик кај Џејмс Џојс, додека тој предавал на универзитетот во Трст, воведувајќи ги своите студенти во суптилностите на јазикот преку описите на газиена ламба. Додека приказните обработуваат разни теми на различни локации и ситуации, од службено патување во Њујорк до аџилак до Сантијаго де Компостела, наративите споделуваат расположение на опасност и мрачност. Анонимни армии вршат масакри, лекар е опседнат со очите на Ајнштајн… Но, и покрај целата бруталност и смрт, читателот не ја чувствува книгата како мрачно или депресивно четиво. Низ расказите се чувствува и повев на остра смисла за хумор, што ја отвора вратата за нова светлина. Опишан како „сеизмолог на хаотичната историја“, Јанчар се потврдува како еден од водечките словенечки литературни гласови на неговата генерација преку оваа исклучителна збирка кратка фикција.
Оливера Ќорвезироска – Престапни години
400,00 денСекој ден од годината е нечиј роденден, именден, празник, Светски ден на „ова или она“. Роденденот на волуменозниот, минуциозно осмислен и (до збор) виртуозно изведен прозен проект на Оливера Ќорвезироска, книгата едноставно наречена Престапни години, е вистински празник за современата македонска микрофикција. Овој „прозен календар“ на Ќорвезироска е вистински читателски деликатес (и во квантитативна и во квалитативна смисла). Пред нас се 366 вибрантни, луцидни и вдахновени куси прози, микрофикции, кои осцилираат меѓу кус расказ, дневнички запис, микроесеј, цртичка, прозен медалјон, прозен фрагмент… Оливера Ќорвезироска е авторка која и во прозните и во книжевно-критичките остварувања му посветува речиси опсесивно (во најубава смисла) внимание на јазикот и како основна алатка на создавањето уметнички светови, но и како нешто што е постојано живо, свето и слоевито. Затоа, еден вид главен јунак во овие куси приказни е токму јазикот (и економијата на јазичниот израз). Во само неколку реченици покрај рефлексиите за проникнувањата меѓу животот и уметноста, еден вид лајтмотив на ракописот е проникнувањето на личната приказна и премрежјата на нашево време. Притоа, формулата и структурата на Престапни години е едноставна: по една куса проза за секој ден од календарот на една престапна година. И во престапните и во „обичните” години, пред нас е книга што секој ден од годината може да ни го претвори во Светски ден на читателските наслади.
Владимир Мартиновски