Српски документи за историјата на Охридско-струшкиот регион (1890-1940) II од Павле Митрески и Димитар Смилески

Станува збор за книга што содржи транскрибирани и преведени архивски материјали, главно писма од и до српските управители на Охридско-струшкиот регион во периодот од 1890 до 1940 година, кога Македонија била под управа на Кралството Србија. Материјалите содржат исклучително сериозни теми како (цитираме): “Подобро е во едно село да нема училиште, отколку да има училиште и учител кој ќе ги учи децата дека се Македонци”, но и комични преписки како писмото до министерот за просвета во кое пратеникот на министерот ги одбива осудите на јавноста дека со професорот Бодулиќ се капеле голи во Охридското Езеро.